ഉള്ളൂരിന്റെ തത്വചിന്ത

വിശ്വം ദീപമയം എന്ന കവിതയെ മുന്‍നിര്‍ത്തി ഉള്ളൂരിന്റെ കവിതകളെക്കുറിച്ചുള്ള ഒരവലോകനം

Download PDF

ചെറിയവ - കുമാരനാശാന്‍

വിശ്വം ദീപമയം എന്ന കവിതയുമായി ബന്ധിപ്പിക്കാവുന്ന ഒരു കവിത

ചെറുതുള്ളികള്‍ ചേര്‍ന്നുതന്നെയീ
കരകാണാതെഴുമാഴിയായതും
തരിമണ്ണുകള്‍ തന്നെ ചേര്‍ന്നു നാം
മരുവും നല്‍പെഴുമൂഴിയായതും.

ചെറുതാം നിമിഷങ്ങളും തഥാ
പറവാന്‍ തക്കവയല്ലയെങ്കിലും
ഒരുമിച്ചവതന്നെയൂക്കെഴും
പുരുഷായുസ്സുകളൊക്കെയാവതും

ചെറുതെറ്റുകള്‍ തന്നെയീവിധം
പെരുകിപ്പുണ്യമകറ്റിയേറ്റവും
തിരിവെന്നി നടത്തി ജീവനെ-
ദ്ദുരിതത്തിങ്കല്‍ നയിച്ചിടുന്നതും.

ചെറുതെങ്കിലുമമ്പെഴുന്ന വാ-
ക്കൊരുവന്നുത്സവമുള്ളിലേകിടും
ചെറുപുഞ്ചിരി തന്നെ ഭൂമിയെ-
പ്പരമാനന്ദ നിവാസമാക്കിടും.

ചെറുതന്യനു നന്മ ചെയ്കകൊ-
ണ്ടൊരു ചേതം വരികില്ലയെങ്കിലും
പരനില്ലുപകാരമെങ്കിലീ
നരജന്മത്തിനു മാറ്റുമറ്റുപോം.

ചെറുതന്‍പു കലര്‍ന്നു ചെയ്‌വതും
ചെറുതുള്ളത്തിലലിഞ്ഞു ചൊല്‍വതും
പെരുകിബ്‌ഭുവി പുഷ്പവാടിയായ്‌
നരലോകം സുരലോകതുല്യമാം.

     PDF DOWNLOAD

കവിത്രയം

വിശ്വം ദീപമയം - ഉള്ളൂര്‍