അക്കർമാശി പഠനക്കുറിപ്പുകൾ

 മസാമായി- ശരൺകുമാർ ലിംബാളെയുടെ അമ്മ

 സാന്താമായി- മുത്തശ്ശി

സാന്താമായിയും ചന്ദാമായിയും സഹോദരങ്ങളാണ്. 6 സഹോദരിമാർക്ക് ഒരാങ്ങള

അവരുടെ കുടുംബ ചരിത്രം

 അച്ഛൻ - സാധു ബാപ്
അമ്മ- ഭാഗുമായ്

മക്കൾ

1 സാന്താമായ് - തീർത്ഥ് എന്ന സ്ഥലത്ത് കല്യാണം കഴിച്ചു വിട്ടു.

സാന്താമായിയുടെ ആദ്യ ഭർത്താവ് അവരെ ഉപേക്ഷിച്ചു.

പിന്നീട് മുഹമ്മദ് ദസ്തഗീർ ജാമദാർ എന്ന ഒരു മുസ്ലീം സാന്താമായിയോടൊപ്പം താമസമാക്കി.ഇദ്ദേഹത്തെയാണ് ലിംബാളെ ദാദ എന്നു വിളിക്കുന്നത്.
സാന്താമായിയുടെ ആദ്യ ഭർത്താവിലെ മകളാണ് മസാമായി

2 ചന്ദാമായി- ബഹാറിൽ പൂരിലുള്ള ആൾ കല്യാണം കഴിച്ചു.

3 ധോണ്ടാ ബായി - ചുങ്കിയിൽ കല്യാണം കഴിച്ചു വിട്ടു.

4 ഗംഗാമായി - വൽസാംഗ് എന്ന സ്ഥലത്ത് കല്യാണം കഴിച്ചു വിട്ടു.

5 രേവാ ബായ് - വാഗ്ദാരിയിൽ കല്യാണം കഴിച്ചു വിട്ടു.

6 അഹല്യ - ഷിർവാൾ എന്ന സ്ഥലത്ത് കല്യാണം കഴിച്ചു വിട്ടു.

7 ലക്ഷ്മൺ - 6 തവണ കല്യാണം കഴിച്ചു. മക്കളില്ല. മാവു വീണ് മരിച്ചു.

ലിംബാളെയുടെ ചരിത്രം

അമ്മ മസാമായിയുടെ ആദ്യ ഭർത്താവ് കർഷകത്തൊഴിലാളിയായ ഇഠൽ കാംബളെ.

ഹനുമന്തലിംബാളെ എന്ന പാട്ടീൽ വർഗ്ഗക്കാരന്റെ കൃഷിക്കളത്തിലായിരുന്നു ജോലി. സമുദായ സഭ കൂടിയിട്ട് മസാ മായ് ഇഠൽ കാംബളയെ ഉപേക്ഷിക്കണമെന്ന് ഹനുമന്തപ്പ വിധിച്ചു.
മസാ മായിക്ക് കാംബളെയിൽ 3 മക്കളുണ്ടായി' . മൂത്ത മകൻ ഭാനു ദാസ് മരിച്ചു.
ബാക്കിയുള്ള മക്കളായ നാലുവയസ്സുകാരൻ സൂര്യകാന്തിനേയും മുലകുടിക്കുന്ന പ്രായമുള്ള ധർമ്മയേയും    അച്ഛനായ ഇഠൽ കാംബളെ കൊണ്ടു പോയി.
അയാൾ വേറെ വിവാഹം കഴിച്ചു.

ഹനുമന്തലിംബാളെ മസാ മായിയെ പാട്ടിലാക്കി. അക്കൽക്കോട്ടിൽ വാടക വീട്ടിൽ വെപ്പാട്ടിയായി അവരെ താമസിപ്പിച്ചു.
ഹനുമന്ത ലിംബാളെയ്ക്ക് മസാ മാ യിയിൽ ജനിച്ച മകനാണ് ശരൺകുമാർലിംബാളെ. ഹനുമന്ത ലിംബാളെ പിന്നീട് മസാ മായിയെ ഉപേക്ഷിച്ചു.

ഇഠൽ കാംബളെയിൽ ജനിച്ച മക്കൾ മഹാർ ജാതിക്കാർ.

ലിംബാളെ അർദ്ധ ജാതിക്കാരനായി - അക്കർമാശിയായി. അമ്മ മഹാർ ജാതിക്കാരി. അച്ഛൻ സവർണ്ണൻ പാട്ടീൽ ജാതിക്കാരൻ . ലിംബാളെയെ രണ്ടു ജാതിക്കാരും അംഗീകരിച്ചില്ല .

 മസാമായിയെ പിന്നീട് യശ്വന്തറാവ് സിന്ദ്രാമപ്പ പാട്ടീൽ എന്നയാൾ വെപ്പാട്ടിയാക്കി.
ഹാനൂരിലെ പോലീസ് പാട്ടീലായിരുന്നു (ഗ്രാമത്തലവൻ) ഇയാൾ .
കാക്കാ എന്നാണ് ലിംബാളെ ഇയാളെ വിളിച്ചിരുന്നത്.

മസാമായിയിൽ ഇയാൾക്കുണ്ടായ മക്കൾ::...
1 നാഗി (നാഗു ബായ്)
2 നിർമി (നിർമ്മല)
3 വാണി (വനമാല)
4 സുനി (സുനന്ദ )
5 പാമി (പ്രമീള )
6 തിമ്മ (ശ്രീകാന്ത് )
7 ഇന്ദിര
8 സിന്ദ്രാമാം
9 ശേംണ്ടി ഫൾ ( മരിച്ചു പോയി)

അമ്മയും കാക്കായും ഭാര്യാഭർത്താക്കൻമാരാണെന്നാണ് ലിംബാളെ കരുതിയിരുന്നത്. പക്ഷേ അയാളുടെ വെപ്പാട്ടിയായിരുന്നു മസാ മായ്.

ലിംബാളെയുടെ സഹോദരി നാഗിയെ കുമാർ എന്നയാൾക്ക് കല്യാണം കഴിച്ചു കൊടുത്തു.
കുമാറിന്റെ ആദ്യ ഭാര്യമാർ ഉപേക്ഷിച്ചു പോയി. മൂന്നാം ഭാര്യയായിരുന്നു നാഗി.

നാഗിയേക്കാൾ വളരെ പ്രായക്കൂടുതൽ കുമാറിനുണ്ടായിരുന്നു.

ഇയാളെയാണ് കുമാർ മാമ എന്ന് പാഠഭാഗത്തിൽ പറയുന്നത്.

കുമാറിന്റെ അമ്മയാണ് ശാന്താ ആത്യാ . ഇവർക്ക് പഴക്കച്ചവടമാണ് ജോലി.

ഇവരോടൊപ്പം ലിംബാളെ താമസിച്ച സമയത്തെ കാര്യമാണ് പാഠഭാഗത്ത് പറയുന്നത്.

അക്കർമാശി എല്ലാവരും വായിച്ചിരിക്കേണ്ട പുസ്തകമാണ്....

       രാജീവ് .കെ. ആർ

Download PDF